1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye

Mutane 29 sun rasu a wani harin kunar bakin wake a Pakistan

August 8, 2013

An kai harin ne lokacin jana'izar wani dan sanda a Quetta, hedkwatar lardin Baluchistan dake zama tungar sojojin sa kai da kungiyoyin mayakan 'yan tawaye irin su Taliban.

https://p.dw.com/p/19MZ3
Pakistani police officials gather at the site of a suicide bomb attack in Quetta on August 8, 2013. A suicide attack killed at least eight police officers and wounded 15 others, targeting the funeral of a Pakistani police officer assassinated earlier on August 8, an official said. The attack took place at the police headquarters in the troubled southwestern city of Quetta where officers gathered to pay their respects to a colleague who had been shot dead only hours before. AFP PHOTO / BANARAS KHAN (Photo credit should read BANARAS KHAN/AFP/Getty Images)
Hoto: Banaras Khan/AFP/Getty Images

Wani dan harin kunar bakin wake ya hallaka akalla mutane 29 ciki har da 'yan sanda biyar a wurin jana'izar wani dan sanda a birnin Quetta, a wani lamari da aka gani kai tsaye ta gidajen telebijin kasancewa kyamarorin tashoshin telebijin din na watsa jana'izar, a wannan Alhamis. Wakilin kamfanin dillancin labarun Reuters ya ce an shiga rudani inda aka dauki jami'an 'yan sanda i jina-jina cikin motocin daukar marasa lafiya. An dai tabbatar da mutuwar mutane 29 sannan 62 sun jikata, inji Babar Yaqoob Fateh Mohammed babban sakataren lardin Baluchistan. Daga cikin wadanda wannan ta'asa ta rutsa da su har da yara dake halartar jana'izar da kuma mukaddashin sifeto-janar na 'yan sanda birnin Quetta, Fayyaz Sumbal. An ga 'yan sanda suna kuka lokacin da suke neman gawarwakin abokan aikinsu da suka tarwatse, wasunsu kuma shiru suka yi a zaune saboda kaduwa. Kawo yanzu ba a san wadanda ke da alhakin kai wannan hari ba, sai dai Quetta dake zama shelkwatar lardin Baluchistan, sansani ne na sojojin sa kai ciki har da 'yan kungiyar Taliban da mayakan kungiyoyin 'yan tawaye.

Mawallafi: Mohammad Nasiru Awal
Edita: Umaru Aliyu