Bukatar bai wa matasa ilimin kimiyya

Shararren mai kudin na duniya Bill Gates ya yi wannan kiran ne a birnin Lagos da ke zaman cibiyar kasuwancin Najeriya, yayin wata ganawa da ya yi da matasa dangane da yunkurinsu nan zama da kafafunsu a fannin kasuwanci. Gates ya bayyana cewa, mayar da hankali wajen zuba jari a ilimin matasa zai taimaka gaya wajen cimma buri a fannin kimiyya da fasaha. Ya ce daukar nauyin ilimi shi ne babban abin da ke janyo ci-gaba a kasashe da dama. Shi dai Bill Gates ya jima yana gudanar da wata gidauniya da hadin gwiwar tsohuwar matasar Melinda wato "Bill & Melinda Gates Foundation", waddda ke taimakawa a kasashen Afirka da dama ciki har da Najeriya. Masana dai na ganin akwai tarin damarmaki a Najeriyar, abin da ya sanya mutane da dama daga kasashe makwabta kan shiga kasar domin neman abin dogaro da kai.