1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

'Yan bindiga sun kashe 'yan yawon bude ido a Nijar

Muntaqa Ahiwa
August 9, 2020

Wasu 'yan bindiga dadi a Nijar sun halaka masu yawon shakatawa 'yan asalin kasar Faransa shida, tare da direbansu da kuma wani da ke yi musu jagora.

https://p.dw.com/p/3ghMK
Niger Giraffen aus dem Kouré Giraffe Reserve
Hoto: Getty Images/AFP/B. Hama

Rahotanni na cewa 'yan bindigan a kan babura sun kashe bakin ne a gabas da garin Koure da ke kusa a Yamai babban birnin kasar.

Hukumomi sun ce wannan ne karon farko da aka kai wa wani jami'in kasar Faransa hari a yankin, wanda ya saba karbar wadannan baki da galibi ke da sha'awar wajen saboda yawan rakuman dawa da ma wasu abubuwa na debe kewa.

Wasu majiyoyi sun tabbatar da cewa motar da 'yan yawon shakatawar ke a ciki lokacin harin mallakar wata kungiyar agaji ce ta kasar Faransa da ake kira ACTED.