1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaJamus

Nukiliya: Iran ta ce babu ruwanta da Amirka

Muntaqa Ahiwa
October 28, 2021

Gwamnatin Iran, ta ce ba ta da aniyar yin wata tattaunawa da Amirka, a wani sabon zama da za a yi game da batun mallakar makamashin nukiliya a birnin Vienna na kasar Ostiriya.

https://p.dw.com/p/42IzQ
Iran Ali Bagheri Kani
Hoto: Tasnim

Ministan harkokin wajen Iran, Ali Bagheri, ya ce kasarsa ba za ta yi wani zama da Amirka ba, kasashen kawai da za ta gana da su game da nukiliyar su ne; China da Faransa da Birtaniya da Rasha da kuma Jamus.

Taron wanda zai dora a kan yarjejeniyar 2015 da za a yi shi cikin watan gobe na Nuwamba, na da munufar hana Iran din damar iya kera makaman bom da makamashin nukiliyar.

A cewar kasashen yin hakan ne zai bai wa Iran damar fita daga jerin takukuman da aka kakaba mata.

Wannan batu dai ya fada sarkakiya ne, bayan janye Amirka daga yarjejeniyar da tsohon shugabanta Donald Trump ya yi a shekarar 2018.