1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

An yi amfani da guba a Siriya

Ramatu Garba Baba
June 13, 2018

Hukumar da ke yaki da makamai masu guba OPCW ta ce an yi anfani da sinadarin Chlorine da Sarin kan jama'a da ke rayuwa a karkashin ikon 'yan tawaye a birnin Hama na Siriya.

https://p.dw.com/p/2zVhH
Syrien Idlib Giftgasangriff
Hoto: picture-alliance/abaca/S. Zaidan

Hukumar ta ci gaba da cewa an yi anfani da Sarin a birnin Ltamenah a yankin Hama a ranar ashirin da hudu da ashirin da biyar na watan Maris a shekarar 2017 a yankin na Hama da ke kudancin kasar. An tabbatar da hakan ne bayan binciken hukumar.

Wadannan sinadaran na daga cikin wadanda aka haramta yin anfani da su ko da a lokacin rigingimu ne. An zargi bangaren gwamnatin Bashar al-Assad da laifin yin anfani da makaman masu guba a kan al'umma a yankin da a wancan lokacin ke karkashin ikon 'yan tawaye, lamarin ya janyo asarar rayukan mutane barkatai.