1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaNa duniya

Pakistan: Kotu ta wanke tsohon Firaminista Imran Khan

Abdullahi Tanko Bala
June 3, 2024

Kotun ta wanke tsohon Firaministan daga zargin cin amanar kasa, sai dai zai ci gaba da zama a gidan yari kan wani hukunci da ya danganci aurensa. Magoya bayansa sun ce bi ta da kullin siyasa a ke yi masa.

https://p.dw.com/p/4gbKb
Tsohon Firaministan Pakistan Imran Khan
Tsohon Firaministan Pakistan Imran KhanHoto: K. M. Chaudary/AP Photo/picture alliance

Wata kotu a Pakistan a wannan litinin ta sauya hukuncin dauri kan zargin cin amanar kasa da aka yanke wa tsohon Firaministan kasar Imran Khan kamar yadda lauyansa da kuma Jam'iyyarsa suka sanar.

Tsohon Firaministan da tsohon ministansa na harkokin waje Shah Mahmood Qureshi an same su da laifi a shekarar 2022 kan fallasa wasu bayanan sirrin gwamnati wanda jakadan Pakistan a Washinton ya tura Islamabad.

Lauyan Khan Salman Safdar ya ce wannan ita ce babbar tuhuma ta makircin siyasa da aka shirya wa Imran Khan da Shah Mahmood Qureshi da aka yi nasarar murkushewa.

Khan ya yi zargin cewa bayanan wata shaida ce da ke tabbatar da cewa Amurka na shirya makarkashiyar kifar da shi daga kan mulki a shekarar 2022 inda majalisar dokoki ta kada masa kuri'ar yankar kauna.