1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaJamus

Pistorius ya kai ziyara UKraine gabanin rantsar da Trump

Abdullahi Tanko Bala
January 14, 2025

Ministan tsaron Jamus Boris Pistorius ya kai ziyara Ukraine gabanin rantsar da Trump domin jaddada goyon bayan kasashen Turai ga kasar

https://p.dw.com/p/4p8eJ
Ministan tsaron Jamus Boris Pistorius a Ukraine
Ministan tsaron Jamus Boris Pistorius a UkraineHoto: Michael Kappeler/dpa/picture alliance

MInistan tsaron Jamus Boris Pistorius ya isa Kyiv domin tattauna karin taimakon tarayyar Turai ga kasar Ukraine sakamakon sauyin gwamnati a Amurka da ma watakila yiwuwar samun sauyin gwamnati a Jamus.

Pistorius ya shaida wa kamfanin dillancin labaran Jamus dpa cewa abin da ke da muhimmanci a ziyarar shi ne jaddada kudirinsu na ci gaba da taimaka wa Ukraine.

Gabanin ya tashi zuwa Ukraine, a ranar Litinin, sai da ya gana da takwarorinsa na Poland da Amurka da Faransa da kuma Italiya a birnin Warsaw.

Kasashen biyar da suka hada da masu karfin soji a nahiyar Turai na kokarin tabbatar wa Ukraine da goyon tarayyar Turai ko da kuwa mai zai biyo bayan rantsar da Donald Trump.