1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Qatar ta yi wata ganawa da Taliban

Fauziyya Dauda
September 12, 2021

Ministan harkokin wajen Qatar Sheikh Mohammed bin Abdulrahman Al-Thani ya kai ziyara Afganistan don ganawa da Firanminstan gwamnatin Taliban Mullah Muhammad Hassan Akhund.

https://p.dw.com/p/40EOX
Katar Doha | Mullah Baradar und Scheich Mohammed bin Abdulrahman Al-Thani
Hoto: Qatari Ministry of Foreign Affairs/AFP

Abdulrahman Al-Thani dai shi ne babban jami'in gwamnati na farko da ya kai ziyara kasar tun bayan da kungiyar Taliban ta kwace ikon Afganistan a watan Augustan shekarar 2021. 

A sakon da Taliban din ta wallafa a Twitter, ta ce ministan ya kuma gana da manyan jami'an gwamnatinta, ko da yake ba a baiyana jigon tattaunawarsu ba.

Kasar Qatar dai ta dade ta na aikin shiga tsakani kan Afganistan, inda ta jagoranci tattaunawa tsakanin kungiyar da kasar Amirka a lokacin mulkin tsohon shugaban kasar Donald Trump da kuma hambararren shugaban kasar Afganistan Ashraf Ghani.