Rahoni: Cire takunkumi zai warware rikici

A wani jawabinsa da aka yada a gidan talabijin din kasar Iran a wannan Laraba, Shugaba Hassan Rohani ya ce duk lokacin da manyan kasashen yamma suka dawo kan mutunta alkawuran da suka daukar wa Iran, kasar a shirye take da ta girmama duk wasu alkawuran da ta dauka na dakatar da bunkasa ayyukanta na makamashin nukliya.

Tun bayan da Amirka ta janye jiki daga yarjejeniyar a shekarar 2018 tare da lafta wasu karin takunkuman karayar tattalin arziki, Iran ta rungumi matakin tuntubar wasu kasashe na nahiyar Turai da su juya wa matakin Amirka baya domin ci gaba da mutunta yarjejeniyar Vienne ta 2015.