1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Rasha bata da sojoji a gabacin Ukraine

April 11, 2014

Ministan harkokin waje Sergei Lavrov ya karyata zargin da gwamnatin Ukraine ke wa Rasha, na jibge jami'an tsaro a kan iyakokin kasashen biyu ta gabashi.

https://p.dw.com/p/1BgYt
Niederlande Atomgipfel Krisengipfel in Den Haag Sergej Lawrow
Hoto: Reuters

Ministan harkokin wajen Rasha Sergei Lavrov, ya karyata zargin da ake wa Moscow na jibge sojoji a kan iyakarsu da Ukraine ta gabashi, yankin da ke neman ballewa daga Kiev. Ya ce basu da jami'an tsaro a wannan yanki kamar yadda a ke zargi. Lavrov ya ce ko shakka babu akwai 'yan Rasha da ke zama a yankin, kasancewar wuri ne da ke da dumbin jama'a. Gwamnatin rikon kwaryar kasar Ukraine dai ta zargi Moscow da kasancewa ummul aba'isin boren da ke gudana a yankin gabashin kasar da suka hadar da birnin Donetsk da Lugansk, inda masu goyon bayan Rasha ke ci gaba da mamaye gine ginen gwamnati, kuma ke neman a basu 'yancin cin gashin kai.

Mawallafiya : Zainab Mohammed Abubakar
Edita : Mouhamadou Auwal Balarabe