1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaTurai

Tashin hankali na ruruwa a tsakanin Rasha da Ukraine

Zaharaddeen Umar MAB
April 1, 2021

Shugaban kasar Ukraine Volodymyr Zelenskiy ya sanar cewa ci gaba da samun zaman dar-dar a yankin gabashin kasar na nuna cewa kasar Rasha na yunkurin saba yarjejeniyar zaman lafiyar da suka kulla.

https://p.dw.com/p/3rVjq
Ukraine | Präsident Wolodymyr Selenskyj in Donezk
Hoto: Ukrainian Presidential Press Office/AP Photo/picture alliance

Zelenskiy ya zargi Rasha da jibge dakarun soji a kan iyakar Ukraine. Sai dai mai magana da yawun gwamnatin Rasha Damitry Peskov ya musanta wannan zargin.

''Rasha tana tura dakaru ne a cikin kasarta. Bai kamata wani ya nuna damuwa  a kan hakan ba. Kasarmu ta Rasha na daukar matakan kare iyakokinmu ne.'' inji Mr. Peskov


Ukraine da Rasha sun fara samun takun-saka a shekara ta 2014 lokacin da Rasha ta mamaye yankin Crimea, kuma ana zargin hukumomin Rasha sun bayar da gudunmawa ga 'yan tawaye a yankin Donbass na Ukraine don tayar da zaune tsaye. Daga baya an kulla yarjejenyiar zaman lafiya amma kuma a baya-bayan nan Ukraine ta yi zargin an kashe mata sojoji guda hudu.