1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Gobara ta tashi a wasu asibitocin Rasha

Salmanu Shehu MNA
May 12, 2020

Kasa da kwanaki kalilan yawan masu dauke da cutar corona a kasar Rasha ya haura mutane 232,243 wanda ya sanya kasar zama ta biyu a jerin kasashen da annobar ta yi kamari.

https://p.dw.com/p/3c8Ih
Russland Brand in Krankenhaus in St. Petersburg
Hoto: picture-alliance/AA/S. Mikhailichenko

Hukumomi a kasar Rasha sun dakatar da aiki da na'urar numfashi wato Ventilator a wasu asibitoci guda biyu da ke biranen Mosko da St. Petersburg sakamakon wata gobara a asibitocin da ta hallaka wani majiyyaci guda da kuma ake zargin na'urar ce ta haddasa ta. A asibitocin ne ake jinyar masu dauke da cutar corona a kasar ta Rasha.

Kasashen Rasha da Indiya inda annobar ke kara ruruwa sun matsa kaimi wajen ganin an sassauta dokar kulle a kasashen domin ceto tattalin arzikinsu da ke neman ya durkushe sanadiyyar annobar ta COVID-19.