1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Rasha ta sha alwashin karbe ikon Mariupol

Ramatu Garba Baba
March 15, 2022

Mutum guda ya mutu bayan jerin hare-haren Rasha a wannan Talata a Kyiv babban birnin kasar Ukraine. Rasha ta kuma sha alwashin kwace iko da birnin Mariupol.

https://p.dw.com/p/48U76
Ukraine Kiew | Zerstörtes Wohngebäude nach Beschuss
Hoto: Felipe Dana/AP Photo/picture alliance

Rhotanni na cewa wasu jerin hare-haren Rasha sun haifar da munanan gobara a wasu yankunan da ke Kyiv babban birnin kasar Ukraine. Mutum guda aka tabbatar ya mutu baya ga wasu da dama da su makale a cikin manyan gine-ginen da ke ci da wuta. 

Rasha ta kuma sha alwashin karbe iko da birnin Mariupol mai matukar mahinmanci a yayin da aka shiga mako na uku da soma yakin. Mutum fiye da miliyan biyu ne suka zama 'yan gudun hijira a yayin da Majalisar Dinkin Duniya ke ci gaba da fuskantar tsaiko a kokarinta na isar da agaji ga wadanda fadan ya tagayyara.