1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Rasha ta gurganta shirin agaji zuwa Siriya

Mouhamadou Awal Balarabe
July 11, 2023

Kwamitin sulhu na Majalisar Dinkin Duniya ya kasa tsawaita tsarin bayar da agajin jin kai ga Syria bayan da Rasha ta hau kan kujerar na ki ,lamarin da ya katse hanya samar da abinci ga nazauna yankunan ‘yan tawaye.

https://p.dw.com/p/4Tk3T
Daga Turkiyya ake shigar da kayan agaji zuwa SiriyaHoto: Muhammed Said/AA/picture alliance

Kasashe Switzerland da Brazil da Amirka sun yi Allah wadai da matakin da Rasha ta dauka wanda suka danganta da rashin tausayi, suna masu cewa zai jefa miliyon 'yan Siriya ciki hali na tsaka mai wuya a watannin hunturu. Amma a martaninsa, jakadan Rasha Vassili Nebenzia a MDD ya zargi kasashen Yamma da mayar da hannun agogo baya, yana mai cewa tsarin ba ya la'akari da muradun al'ummar Siriya. 

Majalisar Dinkin Duniya ta ce mutane miliyan hudu a yankin Arewa maso yammacin Syria na bukatar agajin jin ka bayan shekaru da suka shafe suna fama da tashe-tashen hankula da tabarbarewar tattalin arziki da barkewar cututtuka da talauci da kuma iftala'in girgizar kasa a baya-bayannan.