Rasha ta kai hari Kherson

A sakon da ya wallafa dauke da hotunan barnar da harin ya yi, shugaba Volodymry Zelensky ya yi Allah wadai da harin tare da bayyana harin a matsayin ta'addanci da aka kaddamar domin jin dadi.

Mataimakin shugaban yankin Yuriy Sobolevskyi ya ce, an kai harin na makami mai linzami ne a kusa da wani kanti da ke tsakiyar birnin.

Gwamnatin Kyiv ta ce Rasha na kara zafafa kai hare-hare birnin Kherson tun bayan da ta kwace ikonsa a watan Nuwamban da ya gabata. Sai dai Rasha ta musanta zargin da ake mata na kai hari kan fararen hula.