Rasha ta kammala janye sojoji daga Kherson

Ma'aikatar tsaron Rasha ta sanar da cewa ta kammala janye dukkan sojojinta daga kudancin birnin Kherson.

A sanarwar da ma'aikatar ta fitar, ta ce babu wani kayan sojanta ko makami kwaya daya da ta bari a baya.

Janyewar sojojin dai wata babbar koma baya ce ga sojojin Rasha kasancewar Kherson shi ne kadai babban birnin Ukraine da ya fada hannun Rasha a lokacin da aka fara yakin. Sannan kuma yankin muhimmin mashigi ne zuwa yankin tsibirin Crimea wanda Rasha ta shigar cikin kasarta a shekarar 2014