Vladamir Putin ya ce Rasha tuni ta hango matsalar a Turai

Vladamir Putin na furta wadanan kalaman ne a birnin Moscow akan halin matsalolin bakin haure a nahiyar Turai a inda ya kara da cewar shi a karan kansa ya yi gargadi a dangane da yiwuwar faruwar hakan to amma akai biris da shi.

Ya ce tuni Rasha a shekaru da dama da suka gabata sun bayyana cewar akwai babbar matsala muddin dai kasashen Yammacin Turai suka yi gaban kansu a harkokin yankin Gabas ta Tsakiya.

Vladamir Putin dai na yin wannan kakkausar sukar ce ga manufofin nahiyar Turai kan abubuwan da ke faruwa a Gabas ta Tsakiya da a yayin da ake ci gaba da samun yawaitar 'yan gudun hijira da suka fito daga nahiyar Afrika da Gabas ta Tsakaiya.