Rikicin Sudan na ci gaba da tayar da hankali

Babban abinda ya zame abin damuwa a Sudan tun bayan tashin hankalin da ya barke kusan makonni biyu, shi ne rashin girmama yarjejeniyar tsagaita wuta tsakanin bangarorin da ke gaba da juna. Kasar Amirka ce ta shiga tsakani domin neman an tsagaita wutar, akalla saboda samar da agajin jinkai da kuma bai wa kasashe damar kwashe mutanensu da ke makale a cikin rikicin. 

Yanzu dai akwai dubban 'yan kasar Sudan din da suka gudu zuwa kasashe makwabta domin tsere wa hare-haren da ake kai wa juna a kasar tasu. Baya ma ga 'yan Sudan din mai dai akwai wasu bakin da dama ke a kasar da su ma suka yi nasarar kubucewa zuwa makwabtan kasashen.