1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Saakashvili ya lashi takobin yakar rashawa a Ukraine

Zainab Mohammed Abubakar
February 13, 2018

Bayan iza keyarsa daga kasar a ranar Litinin, jagoran adawar Ukraine ya yi alkawarin cigaba da shirya gangamin adawa da gwamnati daga kasar Poland inda ya ke yanzu.

https://p.dw.com/p/2sdat
Polen Saakaschwili will in die Ukraine zurückkehren
Hoto: picture alliance/AP/C. Sokolowski

A wannan Litinin din ce aka iza keyar Mikheil Saakashvili dagaUkraine zuwa Poland, lokacin da wasu mutane dauke da makamai da fuskoki a rufe suka yi awon gaba da shi daga wurin cin abinci a birnin Kiev zuwa filin jiragen saman kasar.

A taron manema labaru da ya gudanar a birnin Warsaw Saakashvili ya ce an fitar da shi daga kasarsa ba tare da amincewarsa ba, wanda hakan ya sabawa dokar kasa da kasa.

" Duk abunda Poroshenko ya yi, ni cikakken siyasar Ukraine ne, ko shakka babu ni dan asalin Georgia ne, amman kuma dan siyasar Ukraine a aikace. Zan cigaba da zama dan siyasar kasar, tare da yaki da rasahawa har sai na samu nasarar kawar da cin hanci a Ukraine da Georgia".

Saakashvili ya kasance shugaban kasar Georgia daga 2004-13, ka na daga bisani shugaba Poroshenko na Ukraine da suke dasawa a baya, ya bashi babban mukami a Ukraine, kafin dangantakarsu ta yi tsami.