Sakamakon zabe ya fara fita a Saliyo

Kawo yanzu kashi 60 cikin dari na kuru'un da 'yan kasar suka kada a ranar Asabar din da ta gabata ne aka kai ke kidaya wa, inda Shugaba Juluis Maada ya tashi da jimillar kuri'u 1.067.666 yayin da abokin hamayarsa Samura Kamara shi kuwa ke da kuri'u 793.751 kwatankwacin kashi 41,53 cikin dari.

Ana dai sa ran hukumar zaben kasar ta fitar da kammalalen sakamakon zaben nan da kwanaki biyu masu zuwa kamar yadda shugabanta ya alkawarta.

Zaben na kasar Saliyo dai ya kasance mai cike da tashin hankali inda aka yi ta dauki ba dadi tsakanin 'yan sanda da magoya bayan jam'iyyun adawa, lamarin da ya haddasa asarar rayuka da kuma jikkatar wadansu.