Matasa sun bore a Casamance

Wasu gungun matasa sun rika jifar jami'an tsaro da duwatsu, in da suka rika mayar da martani da hayaki mai sa kwalla, Magoya bayan Sonko sun kafa shingaye a wasu tituna ta hanyar amfani da shingen duwatsu da katako, tare da kona tayoyi. Ousman Sonko, shugaban jam'iyyar Pastef-les Patriotes kana magajin garin Ziguinchor, ya kamata ya kasance a birnin Dakar don gurfana a gaban kotu a kan zargin fyade da ake yi masa a kan wata mata, amma ya ki zuwa ya yi zamansa a Zingichor kan cewar ba zai sake amsa sammaci daga kotun ba, saboda ana son a yi amfani da ita domin haramta masa yin takara a zaben shugaban kasa a shekara ta 2024, ana dai hasashen 'yan sanda za su kai shi da karfin dao-dao.