1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Shirin nukiliya a IRAN

January 4, 2011

Iran ta amince ƙasashen duniya su saka ido akan cibiyoyin samar da makamashin nukliyar da ta ke sarafawa

https://p.dw.com/p/ztby
Rikicin nukiliya a IranHoto: AP

ƙasar Iran ta gayaci jakadun ƙasashen duniya a ciki har da na China da kuma Rasha domin kai ziyara gani da ido a cibiyoyin samar da makamashin nukliya na ƙasar, a wani yunƙuri na bada hadin kai ga bincikar shirinta na nukliya.Mai magana da yawun ofishin ministan harkokin waje na ƙasar ta Iran Ramin Mehmanparast  ya ce sun gayyaci ƙasashen yammancin duniya da dama, gabanin taron tattaunawa akan shirin nukiliyar na ƙasar da za a yi a ƙarshen watan Janairu a birnin Samtambul.

Taron wanda za a yi tare da ƙasashe  guda biyar masu kujeru dindindin a Majalisar ɗinkin Duniya,  tare da Jamus na zaman wata hanya ta warware takaddamar da ake yi tsakanin Iran da ƙasashen yammancin duniyar dake zarginta da yin amfani da makamashin don kera makamai masu dogon luzami abinda ƙasar take musuntawa :

Mawallafi: Abdourahamane Hassane

Edita       : Yahouza Sadissou Madobi