Joe Biden: Babu yiwuwar tsagaita wuta a Gaza

Biden wanda daman yake yin adawa da tsaigata wutar ya yi wannan furci dab da lokacin da Jami'an leken asirin Isra'ila da na Amurka ke tattaunawa da jami'an Qatar a birnin Doha kan batun tsagaita wutar saboda ayyukan jin kai. Daraktan CIA Bill Burns da Shugaban hukumar leken asiri na Isra'ila  Mossad David Barnea dukkansu suna a birinin Doha, domin  tattaunawa da shugabannin Qatar a kan  yiwuwar tsagaita wuta da za ta kai ga sakin yan Israilan da Hamas ke yin garkuwa da su da kuma shigar da karin agaji a Gaza. A halin da ake ciki Isra'ila ta ce za ta fara tsagaita wutar na sa'o'i hudu a kowace rana a wasu yankuna na arewacin zirin Gaza, wanda za a sanar da sa'o'i uku kafin lokacin  in ji mai magana da yawun fadar White House.Gaza al'amura na yin tsanani