Sojojin Iran sun mutu a wani hadari

A wata sanarwa da ta fitar a wannan Litinin, rundunar sojin kasar ta Iran ta ce hadarin ya wakana ne a lokacin wani atisaye a Tekun Oman na yankin Golf da ke a kudancin kasar ta Iran a yammacin ranar Lahadi.

Sai dai rundunar sojin kasar ba ta fadi adadin sojojin da ke cikin jirgin ruwan lokacin afkuwar hadarin ba, amma ta ce tuni ake jawo jirgin zuwa tashar ruwa domin gudanar da bincike, da kuma kwantar da sojojin da suka ji rauni a babban asibitin jihar Sistan-Balouchistan ta Kudu maso gabashin kasar inda ake can ana yi masu magani

Amma kuma ta yi kira da kauce wa yada duk wata jita-jita kan batun kafin samun rahoton binciken.