1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaAfirka

Sojojin Guinea sun rusa jam'iyyu da dama a kasar

Musa Tijjani Ahmad
October 29, 2024

Sojojin Guinea sun dakatar da ayyukan jam'iyyun siyasa da dama tare kuma da sanya takunkumi na wucin-gadi ga wasu jam'iyyun da ka iya shiga zaben da hukumomin sojin ba su sanar da ranar da za a gudanar da shi ba.

https://p.dw.com/p/4mKhl
Shugaban gwamnatin sojin kasar Guinea Conakry Mamady Doumbouya a (tsakiya) sanye da jar hula tare da wasu hafsoshin tsaron kasar a gefensa
Shugaban gwamnatin sojin kasar Guinea Conakry Mamady Doumbouya a (tsakiya) sanye da jar hula tare da wasu hafsoshin tsaron kasar a gefensa Hoto: John Wessels/AFP

Baya ga rusa jam'iyyun, gwamnatin ta kuma kafa kwamitin da zai sanya ido kan ayyukan wasu jam'iyyu kimanin 67 a cikin watanni uku domin tabbatar da cewa sun tsallake siradin tantancewa da kuma tabbatar da doka da oda a fadin kasar, duk da cewa hukumomin sojin ba su sanar da ranar da za a gudanar zabe ba.  

Karin bayani: Guinea Conakry za ta yi zaben kasa a 2025 

Tun a shekara ta 2021 sojojin kasar ta Guinea suka hambarar da gwamnatin shugaba Alpha Conde da Kungiyar ta ECOWAS ke kiraye-kirayen dawo da mulki kan tafarkin dimukradiyya a kasar zuwa shekara ta 2025.

Karin bayani: Guinea Conakry: Shakku kan alkawarin zabe

Kasar Guinea Conakry na daya daga cikin kasashen da suka hambarar da gwamnatocin farar hula a yammacin Afirka da suka hada da Jamhuriyar Nijar da Mali da kuma Burkina Faso wacce a baya-bayan nan sojojin da ke kan karagar mulki suka sanar da cewa sai nan da shekaru biyar zasu gudanar da zabe a kasar.