1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Spain: Kotu ta tsare wasu jagororin aware

October 17, 2017

An zargi wasu jagororin 'yan waren Kataloniya mai rajin ballewa daga Spain da tunzura jama'a bijirewa gwamnati yayin kuri'ar raba gardama

https://p.dw.com/p/2lwuY
Spanien - Separatisten Jordi Cuixart und Jordi Sanchez bleiben in Haft
Hoto: picture-alliance/abaca/B. Akbulut

Wata kotu a Spain ta bada umarnin tsare wasu manyan jagorori biyu na kungiyoyin 'yan awaren Kataloniya kan zargin tunzura jama'a su bijirewa gwamnati. Alkalin kotun yace mutanen biyu Jordi Sanchez da Jordi Cuixart sun yi amfani da shafukan sada zumunta wajen cusawa jama'a akidar bijirewa hukumomi a fafutukar neman ballewa domin samun 'yancin kan kasar Kataloniya.

Sai dai a wani mataki na nuna goyon baya ga mutanen da aka kama kimanin mutane 200 suka yi dandazo a fadar gwamnatin a Barcelona domin baiyana bacin ransu.

Wani mai goyon bayan ballewar yankin na Kataloniya Luis Gil yace matakin kotun abin mamaki ne domin mutanen su na gwagwarmayar neman 'yanci ne cikin lumana da kwanciyar hankali.