An sake kafa dokar ta baci a Sri Lanka

Rahotanni daga Colombo babban binrin kasar Sri Lanka na cewa an wayi gari shuru da takaita zirga-zirga a kan titunan birnin.  Tun dai a watan Afirilu, tsohon Shugaban kasar Sri Lanka da ya tsere bayan da 'yan kasar suka mamaye fadarsa, ke sanya dokar ta baci don rage tasirin zanga-zangar yin tir da gwamnatinsa kan tsadar rayuwa da tabarbarewar tattalin arziki.

A ranar Asabar mai zuwa ne majalisar dokokin kasar Sri Lanka za ta gana don fara aikin zaben sabon shugaban kasa, Sri Lanka dai ta roki asusun bada lamuni na duniya da ya samar da agajin gaggawa, amma rudanin siyasa ya kawo tsaiko a tattaunawar.