1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaJamus

Steinmeier ya nemi afuwa kan laifukan Nazi

Abdullahi Tanko Bala
November 1, 2024

Shugaban kasar Jamus Frank-Walter Steinmeier ya kai ziyara wani kauye da 'yan Nazi suka kone lokacin yakin duniya na biyu. Duk haka Steinmeier ya ki amsa bukatar biyan diyya kan mamayen na 'yan Nazi

https://p.dw.com/p/4mUsy
Frank-Walter Steinmeier a kauyen Kreta
Hoto: One Inch Productions/IMAGO

Shugaban kasar Jamus Walter Steinmeier ya nemi afuwar al'ummar Kandanos da ke tsibirin Girka game da laifukan da 'yan Nazi suka aikata musu a lokacin yakin duniya na biyu.

Steimeier ya nemi afuwar ce a lokacin da ya kai ziyara kauyen a ziyara ta farko da wani shugaban kasar Jamus ya kai zuwa yankin.

'Yan Nazi sun afkawa al'umar kauyen da ke tsibirin Crete suka kone shi kurumus a lokacin yakin a ranar 3 ga watan Yuni 1941 a matsayin ramuwar gayya kan kisan Jamusawa sojojin Lema su 25 da mutanen kauyen suka yi yayin da suka nuna turjiya ga Jamusawan.

Yankin na Crete na daga cikin kauyuka kimanin 120 da 'yan Nazi suka murkushe a lokacin yakin duniya na biyu.