1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaAsiya

Taliban ta haramtawa gidajen talabijin amfani da bidiyo

Musa Tijjani Ahmad
October 15, 2024

Gwamnatin Taliban a Afghanistan ta haramtawa gidajen talabijin amfani da hotunan bidiyo na mutane har ma da na dabbobi a wani mataki na tsaurara matakan amfani da shari'a a fadin kasar.

https://p.dw.com/p/4lqA2
'Yar Jaridar Afghanistan Khatereh Ahmadi a yayin da take gabatar da shiri a shekara ta 2022, kafin Tabiban ta haramtawa mata aikin jarida a kasar.
'Yar Jaridar Afghanistan Khatereh Ahmadi a yayin da take gabatar da shiri a shekara ta 2022, kafin Tabiban ta haramtawa mata aikin jarida a kasar.Hoto: Ebrahim Noroozi/AP/picture alliance

Gidajen Talabijin biyu da ke lardin kudancin kasar sun fara aiwatar da haramcin gwamnatin kasar na daina amfani da hotuna a kafafen talabijin domin kaucewa fushin jami'an hukumar hisba da ke bibiyar kafafen yada labaran domin ladabtarwa.

karin bayani: Shekaru uku da dawowar Taliban kan mulki 

Wani 'dan jaridar kamfanin dillancin labarai na AFP a lardin Takhar ya rawaito cewa gidan talabijin na Mah-e-Naw ya gudanar da labarai ba tare da amfani da hotunan bidiyo ba, inda suka yi amfani da labule mai dauke da rubutu da kuma muryoyi.

karin bayani: Taliban ta haramta wa mata zuwa makaranta a karo na uku

Mai magana da yawun ma'aikatar tabbatar da da'a a tsakanin al'ummar kasar ta Afghanistan Saiful Islam Khyber, ya shaida wa manema labarai cewa wannan mataki na daga cikin manufofin gwamnatin Taliban na amfani da koyarwar addinin Islama a kasar.