1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Taron gaggawa kan rikicin Siriya

September 25, 2016

Kwamitin sulhu na Majalisar Dinkin Duniya ya kira wani taron gaggawa a wannan Lahadi domin tattaunawa kan halin da ake ciki a kasar Siriya wadda ke fama da yakin basasa.

https://p.dw.com/p/2QZPx
Syrien Aleppo Kämpfe
Hoto: Getty Images/AFP/G. Ourfalian

Sakamakon yadda dakarun gwamnatin Siriya da ke samun goyon bayan sojojin Rasha ke yin ruwan bama -bamai a Aleppo inda kawo yanzu kungiyoyin farar hula da ke saka ido a Siriyar suka ce farar hula 45 suka mutu, kasashen Amirka da Birtaniya da Faransa suka ce ya kamata a kira taron domin matsa kaimi ga Rasha da ta amince a cimma shirin tsagaita wuta. A farkon wannan wata ne Amirka da Rashar suka cimma yarjejeniyar tsagaita wuta a Siriyar amma kuma ta wargaje mako guda bayan kai hari kan wani ayarin agaji na motocin Majalisar Dinkin Duniya.