Taron Munich kan Siriya ya cimma matsaya

An ba da rahoton cewar dakarun gwamnatin Siriya sun ci gaba da buɗe wuta awowi kaɗan bayan da taron da ake yi a birnin Munich na ƙasashen duniya,da nufin kawo ƙarshen tashin hankali ya cimma wata yarjejeniyar dakatar da buɗe wuta.

Ƙungiyoyin kare hakin bil Adama sun ce aƙalla an kashe faran hula 16,a yankunan da 'yan tawayen suka ja daga.Amirka dai ta yi kira ga shugaba Bashar Al Assad da cewar ya yi hattara samakon furcin da yayi a jiya, cewar dakarunsa da ke samun goyon bayan Rasha za su ci gaba da yaƙi har sai sun ƙwato sassan ƙasar baki ɗaya daga hannun dakarun 'yan tawayen.