Rikici na ci gaba da gigita Zirin Gaza

Rundunar sojojin Isra'ila ta ce kawo safiyar wannan Laraba adadin mutanen kasar da suka mutu a sabon rikicin da ya barke tsakaninsu da kungiyar Hamas ta Falasdinawa mai iko da yankin Zirin Gaza ya kai 1,200. Mai magana da yawun rundunar Jonathan Conricus ya ce wannan adadi abin damuwa ne musamman la'akari da cewa fararen hula ne suka fi yawa a cikin wadanda suka mutun.

Shugaba Joe Biden na Amirka ya jaddada goyon bayansu ga kasar Isra'ila, yana mai gargadin 'yan siyasar da guje wa siyasantar da rikicin.

A Faransa kuma, hukumomi sun kaddamar da bincike kan jam'iyyar NPA mai tsattsauran ra'ayi bayan da ta ayyana goyon bayanta ga Falasdinawa tare da sukar matakan Isra'ila a wannan rikici da ya barke a karshen makon da ya gabata.