1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Tattaunawar Rasha da Ukraine ta ci tura

Abdullahi Tanko Bala
April 22, 2022

Babban jami'in diflomasiyyar Rasha yace tattaunawar kawo karshen yaki da Ukraine ya tsaya cik saboda Moscow ba ta sami amsa daga Kyiv na jerin bukatun da ta gabatar mata ba.

https://p.dw.com/p/4AJoC
Türkei | Treffen Sergei Lawrow und Dmytro Kuleba in Antalya
Hoto: President Of Turkey Press Office/TASS/dpa/picture alliance

Ministan harkokin wajen Rasha Sergei Lavrov ya shaidawa taron manema labarai cewa a halin da ake ciki yanzu tattaunawar ta tsaya cik saboda bukatun da suka gabatar wa mashawartan Ukraine kwanaki biyar da suka gabata har yanzu basu bada amsa akansu ba.

Lavrov yace kalaman da shugaban Ukraine Volodymyr Zelensky da mashawartansa suke yi a baya bayan nan sun nuna basa bukatar tattaunawar wadda suka dora makomarsu a kai.

A waje guda kuma Sakataren Majalisar Dinkin Duniya Antonio Guterres zai kai ziyara Moscow a ranar Talata domin ganawa da shugaban Rasha Vladimir Putin.

A kwanakin baya ne dai babban jami'in na Majalisar Dinkin Duniya ya bukaci ganawa da Putin domin tattaunawa kan yakin na Ukraine.