Ghana: Jigon NPP ya fice domin takarar shugaban kasa

Tsohon ministan kula da harkokin kasuwanci da masana'antu na kasar Ghana Alan Kyeremanten ya ce ya shirya ficewa daga jam'iyya mai mulkin kasar domin tsayawa takarar shugaban kasa a matsayin dan takara mai cin gashin kansa.

Tsohon ministan wanda jigo ne a jam'iyyar NPP ya yi zargin jam'iyyar ba ta nuna godiya ga irin gudunmawar da yake ba ta. A cewar sa, dalilin da ya tilasta masa murabus daga mukamin minista a farkon shekarar nan ke nan. Dan siyasar dai ya ce sabuwar tafiyar tasa cike take da matasan kasar Ghana da ke da muradin ganin an samar da sauyi a kasar. Jam'iyyar ta NPP ta kira matakin tsohon ministan a matsayin abin takaici.