Ukraine na shirin fara kera makamai

Da yake jawabi a gaban majalisar dokokin kasar yayin da Ukraine din ke bikin ranar kundin tsarin mulkin kasar, shugaba Volodymry Zelensky ya ce hakan za sai dakarun kasar su kasance da makamai a ko da yaushe.

A yanzu dai, Ukraine na samun makamai da suka hada da masu linzami da tankokin yaki daga kasashen yammacin Turai. Shugaba Zelensky ya ce, Ukraine za ta samar wa kanta makaman da zai bata damar tsayawa da kafafunta inda ya ce tuni kasar ta fara kera jiragen saman yaki marasa matuka wanda ke zama mafi karko a nahiyar Turai.

A baya dai, kasar Ukraine ta kasance kasa mafi fitar da makamai a Turai.