1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaTurai

Dakarun Rasha na dosawa birnin Kyiv na Ukraine

Zaharaddeen Umar
March 11, 2022

Wannan na zuwa ne a yayin da Shugaba Vladimir Putin ya amince da shirin dakarunsa na daukar sojojin sa-kai daga ketare. Rashan ta ce mutane sama da 16,000 ne ke neman ta dauke su aikin soja, galibinsu kuma Larabawa ne.

https://p.dw.com/p/48MBo
Ukraine Satellitenbild von russichem Luftangriff auf Chernihiv
Hoto: MAXAR TECHNOLOGIES via REUTERS

Rasha ta kara fadada hare-harenta na soji a kan Ukraine a wannan Jumma'a. Na baya-bayan nan shi ne amfani da jiragen yakin da take yi kusa da filin jiragen sama a yammacin Ukraine a karon farko. Kazalika hotunan tauraron dan Adam sun nuna yadda dakarun Rasha ke kara dosawa birnin Kyiv, fadar mulkin Ukraine, bayan kwashe sama da mako biyu suna hankoron shiga birnin. 

Wannan na zuwa ne a yayin da Shugaba Vladimir Putin ya amince da shirin dakarunsa na daukar sojojin sa-kai daga ketare da za su taimaka musu ci gaba da yaki a Ukraine. Ministan tsaron Rasha  Sergei Shoigu ya ce kawo yanzu mutane sama da 16,000 ne ke neman Rasha ta dauke su aikin soja, galibinsu kuma daga kasashen Larabawa.

Sai dai kuma MDD ta ce kawo yanzu mutum miliyan biyu da rabi ne ya gudu daga Ukraine don kauce wa tashin hankali.