1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaSudan

UNHCR na bukatar kudade saboda Sudan

Muntaqa Ahiwa
September 4, 2023

Sakamakon karuwar yanayi na jinkai a Sudan, Majalisar Dinkin Duniya na neman kudaden da suka zarta bukatar da gabatar domin ceto miliyoyin 'yan kasar da yaki ya daidaita.

https://p.dw.com/p/4VwLL
Hoto: ZOHRA BENSEMRA/REUTERS

Majalisar Dinkin Duniya ta ce tana bukatar dala bilian daya domin kai agajin gaggawa ga mutane kusan miliyan biyu da ke kokarin gudun hijira a Sudan.

A bayanin da ta yi game da wannan batun, hukumar kula da 'yan gudun hijira ta Majalisar Dinkin Duniyar UNHCR ta ce kudaden da take son samu a wannan karon sun ninka har sau biyu daga adadin bukatar da ta gabatar a watan Mayu.

Miliyoyin 'yan kasar Sudan ne dai ke kokarin tserewa daga yakin basasar da ake gwabzawa tsakanin sojojin da ke gaba da juna a kasar, lamarin da ya haddasa mutuwar dubban mutane, ko baya ga masu kokarin hijirar guje wa halin da ake ciki a kasar.