1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Yakin Ukraine na kara fargaba kan abinci

Abdullahi Tanko Bala
March 22, 2022

A daidai lokacin da yaki tsakanin Rasha da Ukraine ke cigaba da wakana yankuna biyu da suka fi noma abinci a duniya, jama'a sun fara nuna fargabar yuwa a sassa da dama na duniya.

https://p.dw.com/p/48p8N
Ukraine Getreide Weizenanbau
Hoto: Alexander Reka/dpa/TASS/picture alliance

Yayin da farashin mai da alkama suka yi tashin gwauron zabi kasashe da dama na fargabar aukuwar karancin abinci a daidai lokacin da ake cigaba da gwabza yaki tsakanin kasashe biyu da suka yi fice wajen noma abinci a duniya.

Tun bayan da Rasha ta dakatar da fitar da alkamarta zuwa kasashen waje, farashin alkamar ya yi tashin gwauron zabi. Kasashe da dama sun fara baiyana fargabar aukuwar yunwa da kuma zanga zanga sakamakon karancin abinci.

Martin Häusling mai magana da yawun jam'iyyar Greens a majalisar dokokin turai kan manufofin ayyukan gona yace dakatar da fitar alkama zuwa kasashen waje, tamkar Putin na amfani da abinci ne a matsayin makami yana mai cewa karancin abincin zai fi shafar kasashe matalauta.