1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Sonko

Zainab Mohammed Abubakar
July 14, 2023

Babbar jam'iyyar adawa ta Senegal a ayyana shugabanta Ousmane Sonko a matsayin dan takararta, a zaben shugaban kasa tare da watsi da tambayoyi game da cancantar sa.

https://p.dw.com/p/4Tw3a
Senegal | Ousmane Sonko
Hoto: Seyllou/AFP/Getty Images

A jiya Alhamis ne aka zabi Sonko a matsayin dan takarar jam'iyyar PASTEF-Patriots na zaben shugaban kasa da za a yi a ranar 25 ga watan Fabrairun 2024, in ji jam'iyyar a cikin wata sanarwa ga kamfanin dillancin labaran Faransa na AFP.

Wakilai sun kada kuri'a a sassa 46 na kasar ta Senegal da kuma 'ya'yanta da ke zama a wasu kasashen waje, kuma babbar hukumar gudanarwar jam'iyyar ce ta tabbatar da sakamakon.

Ousmane Sonko ya samu karbuwa a tsakanin matasan Senegal da ke fama da rashin gamsuwa da gwamnati mai ci, ta hanyar yin kamfe mai zafi  a kan shugaba Macky Sall, na nuna shi a matsayin mai cin hanci da rashawa kuma mai mulkin kama-karya.