Adadin 'yan gudun hijira na karuwa a Siriya

Wata sanarwar Majalisar Dinkin Duniya ta ce garuruwa da dama sun koma kufai musamman ma a Maaret al-Noomane, inda jama'a suka gudu zuwa garuruwan Ariha da Saraqeb da Idleb domin samun mafaka a sansanonin 'yan gudun hijira wadanda daman suke cike da jama'a, hakan da ma garuruwan da ke kan iyaka da kasar Turkiyya, kana kuma sauran jama'a na garzayawa zuwa wasu yankunan da ke hannun 'yan tawayen na Siriya masu goyon bayan kasar Turkiyya in ji Majalisar Dinkin Duniya.

A shekarar 2011 ne rikicin kasar Siriya ya barke inda kawo yanzu ya halaka fiye da mutane dubu 370. baya ga zama sanadiyar kauracewar wasu miliyoyin jama'a daga gidajensu.