1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

'Yan kabilar Uighur na zanga-zanga a Turkiyya

Binta Aliyu Zurmi
March 25, 2021

Al'umma 'yan kabilar Uighur 'yan kasar Chaina mazauna Turkiyya sun gudanar da wata zanga-zanga a yau Alhamis domin nuna bacin ransu a game da halin da 'yan uwansu ke ciki a yankin yammacin Xinjiang na kasar Sin.

https://p.dw.com/p/3r8iw
München Uiguren Protest gegen China
Hoto: picture-alliance/Zuma/S. Babbar

Zanga-zangar na zuwa ne a daidai lokacin da ministan harkokin wajen kasar Chaina Wang Yi ke wata ziyarar aiki a birnin Ankara.

Beijing na mai muradin kaddamar da musayar fursunoni a tsakanin kasashen biyu da zai ba da damar maida wasu 'yan kabilar ta Uighur zuwa Chaina. Sai dai al'umma da kungiyoyin kare hakkin bil'Adama da ma wasu 'yan kabilar sama da mutum dubu 40 sun nuna damuwarsu a kan alakar da kasar ke shirin kullawa da mahukuntan na Beijing.

Ministan harkokin wajen Turkiyya ya ce a wannan ziyara ta takwaransa akwai batutuwa da dama da za su tattauna, kuma a
gaba,  ana sa ran ganawar ministan na Sin da shugaban Turkiyya Recep Tayyip Erdogan.