1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Yau ake gudanar zaben kasa a Yuganda

Usman Shehu February 18, 2016

'Yan kasar Yuganda na can na layin kada kuri'u don zaben shugaban kasa da 'yan majalisar dokoki da na kanana hukumomi, zaben da ke zama zakaran gwajin dafi.

https://p.dw.com/p/1Hx9Q
Uganda Kampala Präsidentschaftswahlen Wahllokal Polizei
Hoto: picture-alliance/AP Photo/B. Curtis

Manyan wadan ke fafatawa a zaben dai su ne shugaba mai ci Yoweri Museveni wanda ke mulkin kasar tun shekaru 30 da suka gabata da kuma kuma babban abokin adawa Kizza Besigye.

Ana dai yi wa zaben na wannan Alhamis kallon wanda aka fi fafatawa mai karfi tun bayan dawowar kasar a tsarin jam'iyyu masu yawa a shekara ta 2005.

A yanzu haka dai birnin Kampla kusan ya yi tsit, bayan da magoyan bayan Besigye suka gamu da fushin 'yan sanda wadanda suka yi ta fesa musu hayaki mai sa kwalla.

Masu lura da al'amuran kasar na cewa shugaba Museveni zai iya yin nasarar zarcewa, to amma akwai alamu idan zaben ya zo kankankan, 'yan adawa na iya gudanar da bore.