1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Yau ta ke Sallah a kasashen musulmi

Abdullahi Tanko Bala
July 31, 2020

Musulmi a fadin duniya na shagulgulan babbar sallah. A ranar Alhamis mahajjata suka yi hawan Arfa da ke zama kololuwa na aikin hajji inda a nan ne Manzon Allah S.A.W ya gabatar da hudubarsa ta karshe.

https://p.dw.com/p/3gD0j
Eid Al-Adha in verschiedenen Ländern Pakistan
Hoto: Reuters/M. Raza

A kasar Indonesia wadda ke da mafi yawan musulmi a duniya, jama'a sanye da kyallen rufe baki da hanci sun gudanar da sallar idi a cikin masallatai tare da takaita zirga zirgar jama'a a kan tituna.

Jami'an kiwon lafiya sun baiyana fargabar yaduwar cutar corona yayin tarukan ibada musamman a masallatai da gidaje ko kuma wajen tafiye tafiye domin ziyara.

A waje guda Sarki Salman bin Abdul'aziz na Saudiyya a wani sako da ya wallafa a shafinsa na Twitter jim kadan bayan fitowarsa daga asibiti ya taya al'ummar musulmi murnar sallar layya.

Shi ma a nasa bangaren Firaministan Australia Scott Morrison ya bukaci musulmi a kasarsa su gudanar da bukukuwan sallah a cikin gidajensu