1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Yuganda: An ba da belin 'yan adawa

Yusuf Bala Nayaya
August 27, 2018

Wata kotu a kasar Yuganda ta ba da beli ga wasu 'yan majalisa bangaren adawa har da ma ba da belin fitaccen mawakin nan mai sukar gwamnati Bobi Wine bayan da a makon jiya aka tuhume su da laifin cin amanar kasa.

https://p.dw.com/p/33qcU
Uganda «Präsident der Ghettos» Bobi Wine wegen Hochverrats angeklagt
Bobi Wine mawaki mai caccakar gwamnatin YugandaHoto: picture alliance/AP Photo/Str.

Bobi Wine wanda asalin sunansa shi ne Robert Kyagulanyi, ya bayyana a ranar Litinin hannunsa dauke da sandar taimakawa masu nakasa a kafa. Wine dai ya yi zargin cewa shi tare da wasu abokan aikinsa an gana masu azaba lokacin da ake tsare da su.

Wani dan firsinan an nade hannunsa da bandeji, sannan biyu daga cikin wadanda ake tsare da su lokacin zaman kotu sun zube a kasa. Sai dai Shugaba Yoweri Museveni ya ki amincewa da batun cewa an ci zarafin mutanen da ke zama 'yan adawa da aka tsare kamar yadda suka yi ikirari. Kotun dai da ke arewacin garin Gulu ta ba da belin wadanda take tsare da su ne bisa dalilai na rashin lafiya.