Za a girka gwamnatin haɗin gwiwa a Jamus

Shugabannin na jam'yyun siyasar guda uku wato Angela Merkel ta (CDU), da Sigmar Gabriel ta (SPD) dakuma Horst Seehofer na (CSU),a ƙarshe sun ɗinke ɓarakar da ke tsakaninsu a kan yarjejeniyar inda suka amince da batun albashi mafi ƙanƙanta na Euro takwas a awa guda da maganar kuɗaɗen fanso da kuma ritaya.

An kwashe wattannin biyu tun bayan zaɓen 'yan majalisun dokokin da ya gudana a cikin watan Satumba da ya wuce ana ta yi shawarwari a kan wannan batu ba tare da samun nasara ba sai a wannan jiƙon. Jam'iyyun siyasar dai sun kai ga saka hannu a kan yarjejeniyar kafa gwamnatin haɗin gwiwar a nan gaba a ƙarshen wani taron da ya gudana inda wakilan suka kaɗa ƙuri'a akai a cikin daren jiya.

Mawallafi : Abdourahamane Hassane

Edita : Umaru Aliyu