1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Zanga-zanga na kara kamari a Ukraine

Walton, LuciaDecember 2, 2013

Al'ummar kasar Ukraine na ci gaba da yin zanga-zangar kin jinin gwamnati, duk kuwa da kokarin da jami'an tsaro ke yi na dakile su

https://p.dw.com/p/1ARUz
Hoto: Reuters

Anyi artabu tsakanin jami'an tsaro da masu zanga-zanga dake nuna bacin ransu a kasar Ukraine dangane da kin sanya hannu kan yarjejeniya, da Firaministan kasar Viktor Yanukovich yayi da kungiyar hadin kan Turai.

Dubun-dubatar masu zanga-zanga ne dai suka yi wa birnin Kiev tsinke, domin nuna adawarsu da gwamnatin kasar, yayin da jami'an 'yan sanda suka yi amfani da hayaki mai sa hawaye domin tarwatsa masu zanga-zangar da karfin tuwo.

Ana dai zargin kasar Rasha da hannu cikin kin sanya hannu kan yarjejeniyar zamowa mamba a kungiyar hadin kan Turan, da firaminista Yanukovich na Ukraine din yayi.

Mawallafiya Lateefa Mustapha Ja'afar
Edita: Saleh Umar Saleh