Kasashe na zargin Koriya ta Arewa da tauye 'yanci

Wannan na kunshe a cikin wata sanarwa da aka fitar bayan gudanar da taron kwamitin sulhu na MDD a ranar Jumma'a. 

Kasashen  da suka hada da Jamus da Belgium da Dominican Republic da Estonia da Faransa da Birtaniya da Amirka da kuma Japan sun hadu sun yi baki daya, sun zargi Koriya ta Arewa da rufe wa 'yan adawa baki da hana jama'a fadin albarkacin bakinsu da kuma tauye 'yancin addini. Kasashen sun ce Koriya ta Arewa ta yi amfani da dokar kullen coronavirus wurin aiwatar da wadannan munanan laifuka, inda suka ce Koriyan tafi mutumta tsarinta na makamashin nukiliya a kan bukatun mutanen kasar.