Лос Анџелес станува розов по пожарите

Додека пожарникарите гаснат пожари, опасноста од повторно разгорување на огнот поради силниот ветер во Лос Анџелес останува и натаму. „Бидете свесни за вашата околина. Подгответе се за евакуација. Избегнувајте сѐ што може да предизвика пожар“, апелираше до населението американската метеоролошка служба НВС. Службата предупреди од налети на ветер со брзина од 110 километри на час што може да се случат попладнево по средноевропско време.

Пред една недела околу Лос Анџелес избија неколку големи пожари кои се засилуваат поради силниот ветер. Во катастрофата досега животот го загубија најмалку 25 лица, а повеќе од 180.000 жители мораа да ги напуштат своите домови, меѓу нив и голем број холивудски ѕвезди.