دعا ويونکي او نور اوتوماتونه په انځورونو کي

دې اتومات ته په ننوتو سره سړی په ماشین کې له پیسو اچولو سره دعا اوري. دغه ماشین د څه نا څه ټولو دینونو دعاګانې لري او په ۶۵ ژبو ویل کیږي.

دغه انځور په ۱۹۳۰م کال کې اخسیتل شوی او اخیستونکی یې پیژندل شوی نه دی. دا انځور ښيي چې د انسان په ژوند کې د اوتوماتونو نقش له ډیري مودې وړاندې پیل شوی دی.

په ۱۹۶۴م کال کې په دغه اتومات کې د یوې بستې سکرو بیه یو مارک وو. پخوا به اوتوماتونو پیریدونکو ته پاتې پیسې نه ورکولې خو اوس څه نا څه ټول اتوماتونه پیریدونکو ته د هغوی پاتي پیسې ورکوي.

د آلمان د اورګاډو په تمځایونو کې له اوتوماتونو څخه د ټیکتونو اخیستل اوس یو معموله او ورځنی کار دی.

په قبرس کې د شمع پلورلو اتومات لګول شوی دی. له دې اتومات څخه وګړي اورلګيت هم اخیستلای شي.

د میویو پلورلو اوتومات.

که د یوچا کور ته کوم پارسل ورسیږي او هغه په کور کې نه وی نو د آلمان د پارسل رسولو شرک ورته یوه خط پریږدي چې پکښې د هغه اوتومات ادرس لیکل شوی وي چې هغه ورڅخه خپل بسته ترلاسه کولای شي.

د پاریس اوسیدونکي کولای شي هر وخت له دغو اوتوماتونو څخه سبزیجات واخلي.

په آلمان کې د نوشابو اخیستلو پر مهال د هغه د بوتل پیسې هم ورکول کیږي خو کله چې پیریدونکي دا بوتلونه ستانه کړي نو پیسې یې هغوی ته ورکول کیږي. دا هر څه د اوتوماتو ماشینونونو په مرسته شوني دي.

دغه اوتوماتونه په آلمان کې د هغو کسانو له پاره دي چې له پیاده روي سره مینه لري. هغوی کولای شي له دغو اوتوماتونو څخه د حشراتو ضد درمل رانیسي او پر ځان یې ووهي.

توماس بودن د مکروني پلورلو اوتومات اختراع کړی دی. په دغه ماشین کې په ۹۰ ثانیو کې مکروني پخیږي. دې ماشین په ۲۰۰۴م کال کې په هالند کې د نوآوري جایزه ترلاسه کړه.

که د پیزا مینه وال یاست نو د دې خوراکي توکي اوتوماتونه هم شته.

پیریدونکي کولای شي له دې اوتومات څخه هر وخت تازه شيدې رانیسي. پیریدونکي باید پخپله بوتلونه راوړي. پر ماشینونو همداراز لیکل شوي دي چې شيدې باید تر استعمال مخکې چوش کړل شي.

په کرواشیا کې د کتاب پلورلو اوتومات.

په آلمان کې په ډیرو سیمو کې د کاندومونو د پلورلو اوتوماتونه موجود دي.

د هنري اثارو د پلورلو اوتوماتونه. په برلین کې له دې اوتومات څخه د اوو هنرمندانو اثرونه پیریدل کیدای شي.

د آلمان په ډېرو برخو کې د ورځپاڼو اوتوماتونه موجود دی چې خلک ترې د خپلې خوښې ورځپاڼې ترلاسه کولای شي.