په ۲۰۱۹م کال کې بهرنیو اتباعو خپلو هیوادونو ته څومره پيسې استولې دي؟

سږ کال هندوستان لومړی مقام ترلاسه کړی دی. سږ کال ۸۲ میلیارده ډالره له بهرنیو هیوادونو څخه هند ته استول شوي دي. دغه پيسې د هند د GDP یا مجموعي ناخالص داخلي تولید ۲،۸ سلنه برخه تشکيلوي.

د روان کال په لوموړیو لسو میاشتو کې چين ته له بهرنیو هیوادونو څخه ۷۰،۲ میلیارده ډالره استول شوي دي. سږ کال هم په نورو هیوادونو کې د استوګنو چينایانو له خوا استول شوي پيسې په مستقيم ډول له بهرنۍ پانګونې څخه زیاتې وې. دا پيسې د چين د داخلي ناخالص تولید ۰،۲ سلنه برخه تشکيلوي.

په بهرنیو هیوادونو میشتو مکسیکویانو د روان کال په لومړیو لسو میاشتو کې ۳۸،۷ میلیارده ډالره استولي دي. د نړیوال بانک د شمیرو له مخې په ټول ۲۰۱۸م کال کې مکسیکویي اتباعو ۳۵،۶ میلیارده ډالره خپل هیواد ته استولي وو.

فليپينیانو د روان کال په لومړیو لسو میاشتو کې ۳۵ میلیارده ډالره خپل هیواد ته استولي دي. دا د دغه هیواد د مجموعي ناخالص داخلي تولید ۹،۸ سلنې برخې سره برابره ده.

د روان کال په لومړیو لسو میاشتو کې په بهرنیو هیوادونو کې میشتو مصري اتباعو خپل هیواد ته ۲۶،۴ میلیارده ډالره استولي دي، چې دا د مصر د GDP نږدې ۹ سلنه کیږي.

سږ کال افریقایي هیواد نایجیریا ته ۲۵،۴ میلیارده ډالره استول شوي دي چې ډیره برخه یي نایجيریایي مهاجرو استولې ده. له بهرنیو هیوادونو څخه استول شوي دغه پيسې د هیواد د مجموعي ناخالص داخلي تولید ۵،۷ سلنه کیږي.

په بهرنیو هیوادونو کې میشتو فرانسوي اتباعو د روان کال په لومړیو لسو میاشتو کې ۲۵،۲ میلیارده ډالره خپل هیواد ته استولي دي. دا د فرانسې د مجموعي ناخالص داخلي تولید ۰،۹ سلنې سره برابره ده.

په بهرنیو هیوادونو کې میشتو پاکستاني اتباعو د روان کال په لومړیو لسو میاشتو کې ۲۱،۹ میلیارده ډالره خپل هیواد ته استولي دي. دا په داسې حال کې چې په ټول ۲۰۱۸م کال کې پاکستاني اتباعو خپل هیواد ته ۲۱ میلیارده ډالره استولي وې. دا د پاکستان د مجموعي ناخالص داخلي تولید له ۷،۹ سلنې سره برابره ده.

په بهرنیو هیوادونو کې میشتو بنګله دیشیانو د روان کال په لومړیو لسو میاشتو کې ۱۷،۵ میلیارده ډالره خپل هیواد ته استولي دي. دا رقم په ۲۰۱۸ م کال کې ۱۵،۶ میلیارده ډالره وو.

سږ کال په لسم نمبر کې آلمان دی. په نورو هیوادونو کې میشتو آلماني اتباعو ۱۶،۸ میلیارده ډالره آلمان ته استولي دي. دا د دغه هیواد د GDP یا ناخالص داخلي تولید ۰،۴ سلنه برخه تشکيلوي.